أصل العرب لاقيل من هم عربهم

[شجاع عمر الأكلبي]

أصل العرب لاقيل من هم عربهم

بـســــــــــــــــــم الله الرحمن الرحيم

هذه القصيدة بمناسبة حفل تنصيب الشيخ / شايع بن محمد إبن خريم آل كيرعان قحطان نائباً على جماعته آل خريم و آل صبيح

والذي أقيم هذه الليلة في مركز العرين ببلاد قحطان

إسم الله أبدابه على كل الأحوال=اللي على كل المخاليق متعال
عساه يمن خوفنا يوم الأهوال=ونسكن جنان ٍ مستديم ٍ رغدها
جتني من أهل الشان دعوة كريمة=ودعوة عزاز القوم تاج وغنيمة
وأنا مع الناموس نفسي حميمة=وعزمي على عشق الجميلة صمدها
ويالله وفقني على طيّب القيل=واسوق جزله مثل سوق الفناجيل
لاجيت بأمدح نادرين الرياجيل=نسل الحرار اللي ينومس هددها
أمدح رجال ٍ يستحقون الأمداح=برق الظفر والطيب في وجيههم لاح
مخضبين من العدا علط الأرماح=بعصر الجهل تضهد ولا أحد ٍ ضهدها
من صلب كيرعان المسمى نسبهم=أصل العرب لاقيل منهم عربهم
قحطان ساس العزّة اللي نجبهم=وصغارهم تعرف وهي في مهدها
بني خريم أهل الفعول المجيدة=وبني صبيح مطوعين العنيدة
ندّر رجال ٍ في المواقف وقيدة=ولاهمهم حشد الخصوم وعددها
قوم ٍ لهم في الطيب صولة وجولة=يشهد بها التاريخ عرضه وطوله
أدناهم اللي كايدات ٍ فعوله=هذي حقيقة والنشاما سندها
حصن ٍ تصاهل قدموا شيخ وحصان=شيخ ٍ لهم في وقفته سيف ولسان
وعزالله إن له في المواقيف جنحان=عضود جنب ٍ ماتردى جهدها
مبروك ياشايع زعيم القرانيس=اللي لحلكات الليالي مقابيس
يالنادر الفارس ومقدم فواريس=جمع الفهود مقدمين فهدها
قرم وكريم وتستحق الزعامة=الطيب كلّه في يمينك خطامه
وماتلحق اللي قدموك الندامة=ياحصان صلفات المواقف وأسدها
ترفع لك البيضا على كل ماطال=ياللي كسيت القول مشهود الأفعال
من دون ربعك ترخص الحال والمال=ياعز قومك في الحياة وسعدها
وهدّاج جود لالفوك المسايير=من قرب ولا نايدين الخطاطير
يلقون عصب الحيل عقب المباهير=ونفوسهم تفقد بشوفك نكدها
ومن صاح بك مهموم ينزاح همّه=لوكان ديّانه يبي شرب دمه
جاهك ومالك للمطاليق جمّة=من حدته شهب الليالي وردها
حر ٍ عديم وفي المواقف مجرّب=لاكبرت القالة وقف ماتهرّب
مابين جدّه والمجاني معرّب=وياسعد من تنسب لصلبك ولدها
سعر الجمايل ترفعه وسط الأسواق=من دونها تاقف وتثني لها الساق
لا عذروا في المدح هافين الأعراق=ياعزها يافخرها ياسندها
قلته وانا من لابة ٍ تقضي الشان=في العسر كرمان ٍ وفي الحرب ضفران
دعوى التغالب في الدجا نجمهم بان=نجوم ليل ٍ ماضفر من جحدها
ربعي هل الطالة سيوف ٍ بواتير=ودون الجميلة مانحسب المخاسير
ولا غرابة جدنا كليب والزير=يفنى ولدنا وعزته مافقدها
والله يديم لمملكتنا ملكها=بو متعب اللي بالشريعة ملكها
طريق ابوه وسابقينه سلكها=نور الديار اللي الغداري طردها
صقر الجزيرة مثل سيف ٍ بحدّين=وحّد جزيرتنا على منهج الدين
وأرث بعد موته ملوك وسلاطين=والفتنة اللي قبل حكمه خمدها
وتحفظ ولي عهده على مر الأزمان=إسمه وفعله في المواقيف سلطان
والنايب الثاني عضيده كحيلان=الإسم نايف والنوايف صعدها
وأميرنا المحبوب رمز العدالة=نسل الملوك معربين ٍ خواله
حاكم عسير سلالة من سلالة=كل المراجل في يمينه حصدها
فيصل سمي فيصل ولد خالد الخير=اللي بعهده مايطرى معاسير
غيث ٍ على أهل الخير مزن ٍ شخاتير=وروس ٍ تبي تعبث بسيفه جلدها
فيصل نحبّه والسعد في محيّاه=الخير للي يبيه في كف يمناه
ومخلابه إبه الموت للي يتحدّاه=ونفس ٍ تجيه بحقد تنسى حقدها
المملكة خيمة وحنّا لها أطناب=والشعب كله دونها ستر وحجاب
وللي نواها بسو في عيونه حراب=وملوكنا هم عزها هم عمدها
وصلاة ربي عد ماهل رعّاد=وعدة غصون ٍ هزّها هوج الأنواد
على رسول ٍ للملا كلهم ساد=له سيرة ٍ حتى عدوّه حمدها

المصدر: ..::: منتديات قنوف الأدبية :::..

 

[ريماس العلي]

والنعم بوافين العطا

والنعم فيكــ أخي


جزله من جزل

صح نبضك ..~


يا شجاع

 

[بدر بن فهد]

كفو كفو كفو

بقحطان وباكلب

وقصيده كالعاده

ابداع ياشجاع


 

[فهد بن عميان]

الله الله


صح لسانك مليار في مليار


كفو كفو يابو عمر


ويستاهلون وجيه المحلف المدح وانت وانت كفو والله يبيض وجهك ياكحيلان


لك اجمل تحيه


 

[عبدالله الحربي]

الشاعر الرااائع ابو عمر

ياهلا وغلا

وحياك الله

نص شاهق ورائع

من شاعر ممتع

صح لسانك

والله يعطيك العافيه

تحياتي لك


 

[ناصر بن سعد بن سرور]

كفو كفو كفو

وصح لسانك

وطاب فالك

دمت بخير


 

[عريب بنت نجد]

صح لسانك شاعرنا القدير

بحق نص راقي

والنعم بالمادح والممدوح

تقديري


 

[عياده العنزي]

ونعم بالاجواد جميعا وونعم بقحطان واكلب
صح لسانك والممدوحين يستاهلون
تقديري


 

[نايف المحينيش]

ابو عمر


نبارك للشيخ هذه الثقه الكريمة


ونبارك لك على هذا الابداع المنقطع النظير

متألق في جميع حالاتك الله لايضرك


 

[سيف الجهيم الدوسري]

الله الله يامبدع صح لسانك لين ترضى شامخ وجزل


ونعم والله بالمادح والممدوح